Gin-report sang Department of Agriculture nga nagdangat na sa P3.9-billion ang balor sang kahalitan sa sektor sang agrikultura bangud sa El Niño phenomenon.
Masobra katunga sang kahalitan ang na-rekord sa humay, ukon P2.36 billion, sandig sa data sang DA-DRRM Operations Center.
Yara naman sa malapit P868 million ang halit sa high value crops; P669 million sa mais; P33.83 million sa sektor sang pagpangisda; samtang P6.95 million naman sa livestock kag poultry.
Covered sini nga report ang 11 ka mga rehiyon kun sa diin ang may pinakamalala nga halit amo ang sa MIMAROPA kag Western Visayas.
Apisar sini suno kay DA spokesperson Assistant Secretary Arnel de Mesa, indi tuman ka daku ang epekto sa rice production sa pungsod, bangud 2% lamang sang farm areas ang apektado sang tuman nga init.
Matandaan nga una man nga ginpanubuan sang US Department of Agriculture ang rice import forecast sini sa Pilipinas subong nga tuig. Ginpatupa lamang ini sa 200,000 metric tons bangud sa ginalauman nga maayo nga ani sa humay bisan pa sa tunga sang tag-ini. #
