Duha ka adlaw man nga nagmantiner ang aktres nga si Rhian Ramos sa pagtulog sa salog sa Dubai International Airport antes ini naka-proseso na nga makapauli sa Pilipinas.
Isa siya sa linu-libo nga apektado sa huol sa operasyon sa airport bangud sa tumalagsahon nga pagbaha kag pag-ulan sa United Arab Emirates subong nga semana.
Lakip sa gin-share nga pictures sang aktres amo ang habol kag towels nga amo ang iya tululugan kag ulunan.
Una na ini nagpanawagan sang bulig sa bisan sin-o man sa Dubai nga buligan siya nga ma-rebook ang iya flight sa Manila. Tatlo ka oras ang makaligad sang nag-update ini nga makapauli na gid man ini kag makapaligo.
Ang pag-ulan sa UAE subong nga semana amo ang pinakamalala sa sulod sang 75 ka tuig nga rason sang pagka-delay sang mga operasyon sa transportasyon lakip na sa airport; madugay nga pag-subside sang tubig; kag kamatayon sang pila ka indibidwal lakip na ang tatlo ka mga Pinoy.
Ang Dubai International Airport nga isa sa pinakamasako nga travel hub sa Middle East ang nabudlayan gihapon subong sa backlog sang flights. Ang flagship carrier nga Emirates nga isa sa pinakadaku nga international airlines sa kalibutan ang nagsiling nga ginsuspend anay ang check-in para sa mga tawo nga nagaplano nga mag-transit via Dubai.#
