Napunggan sang Bureau of Customs (BOC) ang tuyo nga pagpalusot sang masobra 80 ka buhi nga mga damang sa Central Mail Exchange Center (CMEC) sa Pasay City.
Na-recover ini sang BOC Unit sa Port of Ninoy Aquino International Airport sang nag-abot paagi sa parcel mail kun sa diin gin-deklarar sang nagpadala nga “origami” products ang sulod.
Bangud gindudahan ang resulta sang inisyal nga x-ray scanning, ginbukad ang sulod kag nakit-an ang 84 ka buhi nga mga damang.
Naka-address ang parcel sa Biñan, Laguna.
Ini nga tuyo sa pag-smuggle sang damang ang nagalapas sa Customs Modernization and Tariff Act (CMTA) kag sa Wildlife Resources Conservation and Protection Act kun sa diin naangot ang Wildlife Resources Conservation and Protection Act.
“The dedication of the BOC in preventing smuggling is a crucial barrier against exploitation of wildlife, and in maintaining robust national biosecurity and ecological balance,”kabahin sang statement ni Customs Commissioner Bienvenido Rubio.#
