Wala pa sang direkta nga sabat sanday Catriona Gray kag Sam Milby apang matunog ang espekulasyon sang fans nga maayo na liwat ang relasyon sang duha kag posible nga madayon ang pagpakasal.
Ini kasunod sang post sang businesswoman nga si Pinky Tobiano kun sa diin nakit-an ang eksena sa garden party kun sa diin magkauapod sanday Cat kag Sam.
May candid video ang duha nga tupaday, samtang ang isa naman amo ang laragway kun sa diin naga-pose ang mga ini sa camera.
Ini nga event ang kaangot sa birthday sang Cornerstone Entertainment president kag founder nga si Erickson Raymundo. Ini amo man ang management company sang celebrity couple.
Nahibaluan nga nasapubliko ang relasyon sang Miss Universe 2018 kag heartthrob actor sang 2020, na-engage, kag naga-plano nga magpakasal subong nga tuig apang sang Pebrero, ginkumpirma sang ila talent agency nga may problema matuod sa relasyon sang duha apang ginatinguhaan nila nga ma-resolba ang amo nga mga isyu.
