ILOILO CITY — Ginkumpirma sang Department of Education – Schools Division of Iloilo nga may nagtaliwan nga duha ka mga manunudlo sa banwa sang Sta. Barbara, Iloilo sang bulan sang Pebrero kag sa una nga semana sang Abril.
Sa interview sang Bombo Radyo kay Mr. Leonil Salvilla, Spokerperson sang DEPED Schools Division of Iloilo, iya gin-athag nga ang rason sang kinamatay sang duha ka mga manunudlo sa amo amo ang aneurysm ukon ang paglupok sang ugat sa circulatory system kag sa utok.
Suno kay Salvilla, natabo ang insidente sa sagwa sang eskwelahan samtang ang mga manunudlo ang yara sa ila nga puluy-an.
Ginpahayag man ni Salvilla nga lunsay mga babaye ini kag nagatudlo sa Sta. Barbara Central Elementary School.
Dugang sang natungdan nga sa subong, ginahulat pa ang mga incident report halin sa Public Schools District Supervisor sang Elementary and Secondary Education sang Iloilo.
