ILOILO CITY- Nakuhaan sang masobra P1- million nga balor sang suspected shabu ang isa ka anay preso sa ginpatigayon nga drug buy bust operation sang Regional Police Drug Enforcement Unit (RPDEU) sa Barangay Bo. Obrero, La Puz, Iloilo City.
Ang arestado nga subject amo si Alyas Joey, 39-anyos kag residente man sang nasambit nga barangay.
Sa interview sang Bombo Radyo kay Police Captain Ryan Christ Inot, leader sang Regional Police Drug Enforcement Unit, iya ginpahayag nga napreso si Alyas Joey sang 2021 may kaangtanan man sa illegal nga droga kag nakaguwa lang ini sang 2022 bangod sa plea bargaining agreement.
Suno kay Inot, may nagpalab- ot sa ila sang impormasyon nga si Alyas Joey ang masami lang nga may ginakadtuan kun kagab-ihon hasta kaagahon rason nga ginpaidalom ini sa sulod sang isa ka bulan nga monitoring tubtob nga ginpatigayon ang madinalag-on nga operasyon.
Padayon naman subong nga gina- verify sang kapulisan kun sin-o ang supplier sang nadakpan.
Preso na ini sa La Paz Police Station kag nagapangatubang sang kaso nga paglapas sa R.A. 9165 ukon Comprehensive Dangerous Drugs Act of 2002.
