ILOILO CITY — Nagsugtanay ang Estados Unidos kag Pilipinas agud magtukod sang maritime law enforcement protocols kasunod sang two-day bilateral meeting sa US may kaangtanan sa agresibo nga pagpamahog sang Chinese Vessels batok sa mga Filipino sa West Philippine Sea.
Suno kay Philippine Ambassador to the US Jose Manuel Romualdez, ang tikang ang kabahin sang Philippines-US Bilateral Strategic Dialogue sa diin tuyo sini nga ma-develop ang cooperative maritime law enforcement operations sang Philippine Vessels sa West Philippine Sea.
Ginpahayag man ni Romualdez nga ang protocol ang magaprotekta sa Pilipinas batok sa agresibo nga akto sang China.
Ang lihok ang ginapasakopan sang Department of National Defense kag American counterpart agud mapatuman ang layi nga nagasunod sa international law.
Sa piyak ang pagpasangkad sang maritime law enforcement operations, may agreement man ang pungsod Pilipinas kag US sa pagpabaskog sa pagpakigbato sa mga manipulasyon sa foreign information.
Gin-athag man ni Romualdez nga kalabanan sa false narratives nga ginabato sang China sa Manila amo ang ginapaguwa nga ang Pilipinas ang agresibo sa pagpang-harass batok sa Chinese vessels.
Lakip sa Bilateral Strategic Dialogue sang Pilipinas kag US ang masunod:
- Ang pinal nga bilateral Philippines – Security Sector Assistance Roadmap.
- Fully finalizing sang dugang nga sites kag implementasyon sang Enhanced Defense Cooperation.
- Agreement sa Enhanced Defense Cooperation Agreement (EDCA) agud mapasulod ang U.S. Department of Defense (DOD) investing nga $128 million para sa infrastructure nga kabahin sang President’s Fiscal Year 2025 budget.
- Prepositioning sang United States Agency for International Development disaster relief commodities para sa Philippine civilian disaster response authorities sa key sites.
- Pagtakop sang General Security of Military Information Agreement sa katapusan sang of 2024.
- Pagpasangkad sang multilateral cooperation kaupod ang iban nga nasyon, lakip ang maritime cooperative activities, bilateral and multilateral exercises, kag security cooperation coordination.
- Pagsekyar sa dugang nga opurtunidad agud mas mapahugot ang global support sa pagsunod sa international law of the sea.
- Doble nga kooperasyon agud ma-address ang Illegal, Unreported and Unregulated (IUU) Fishing, may kaangtanan sa international law kag voluntary guidelines.
Ang duha ka pungsod ang nakatutok man nga iduso ang Luzon Economic Corridor sa idalum sang Partnership for Global Infrastructure and Investment (PGI)- IPEF Investment Accelerator, agud suportahan ang koneksyon sa Subic Bay, Clark, Manila, investment sang Batangas mga riles, modernisasyon sa mga pantalan, clean energy and semiconductor supply chains, kag agribusiness.
