ILOILO CITY — Ginkasal na ang OPM singer nga si Angeline Quinto sa iya non-showbiz boyfriend nga si Nonrev Daquina sa Quiapo Church sa Manila.
Kaupod ni Angeline nga naglakat sa aisle padulong sa altar ang iya isa ka tuig nga anak nga si Sylvio.
Nagserbe bilang maid of honor si Vice Ganda samtang flower girl naman si Pop Star Royalty Sarah Geronimo.
Present naman sa amo nga kasal sanday Manila Mayor Honey Lacuña, Charo Santos-Concio, Boy Abunda, Martin Nievera, Regine Velasquez, Vicky Belo, Zsazsa Padilla, kag iban pa.
Ginsundan ang kasal sang reception event nga ginpatigayon sa Manila Hotel.
Kun balik-balikan, si Angeline kag ang non-showbiz boyfriend ang nag-angkon sang anak sang Abril 27, 2022 sa diin ginpangalanan ini nga Sylvio kasunod sa pangalan sang iya adoptive mother nga si Sylvia Quinto nga nagtaliwan sang Nobyembre 2022.
Matandaan nga na-engage ang singer sa iya boyfriend sang Septyembre sa amo man nga tuig.
