Kun kahapon, ginbantayan sang basketball fans kun masulit ang isa na naman ka makahuluya nga sweep nga amo ang magapalayas sa Los Angeles Lakers sa Western Conference playoffs, subong nga adlaw, nakasentro ang atensyon sang tanan sa 2014 MVP nga si Kevin Durant kag sa team sini nga Phoenix Suns.
Nagahimumugto man ang Suns sa Western Conference matapos nalubong sa 3-0 deficit sa best-of-seven series batok sa Minnesota Timberwolves.
9:30 subong nga aga (oras sa Pilipinas) balantayan ang Game 4 nga patigayunon sa Footprint Center sa Phoenix, Arizona nga home court sang Suns.
Matandaan nga nagtapos sa 126-109 ang hampang sang duha ka teams sang nagligad nga Sabado.
Kahapon, amo man sini ang sitwasyon nanday four-time NBA Champion Lebron James kag Los Angeles Lakers apang natigayon nila nga makabangon kag matuldukan ang 11-winning streak sang defending champions nga Denver Nuggets.
Balantayan naman ang Game 5 sang Nuggets kag Lakers buwas,10:00 sa aga, oras sa Pilipinas.#
