ILOILO CITY- Dakop ang isa ka empleyado sang Passi City Local Government Unit sa ginpatigayon nga drug buy bust operation sa Poblacion Ilawod, Passi City.
Ang subject amo si Alyas “Bukaw,” 41, residente sang Brgy. Poblacion Ilawod sa amo nga syudad.
Sa interview sang Bombo Radyo kay Police Lieutenant Colonel Benjo Clarite, hepe sang Passi City Police Station, iya ginpahayag nga isa ka bulan nga ginpaidalom sa monitoring ang subject.
Nakuha sa iya ang ginabanta 31 grams sang suspected illegal drugs nga nagabalor Php 210,800.00.
Si Bukaw ang ginakabig nga isa ka high-value individual (HVI).
Kaso nga paglapas sa Republic Act 9165 ukon Comprehensive Dangerous Drugs Act of 2002 ang kaso nga ginpasaka batok sa arestado.
