Ginalantaw nga posible magtupa sa 3.5 to 4.3 percent ang inflation rate sa Pilipinas sa Abril halin sa 3.7 percent sang Marso.
Daku man ang posibilidad nga malapawan sini ang four percent target sang Bangko Sentral ng Pilipinas (BSP).
Pananglitan magtupa sa 4.3%, amo na ini ang mangin pinakamataas sa sulod sang lima ka bulan matapos nga na-rekord ang 4.9 sang nagligad nga Oktubre 2023.
Suno sa BSP, ang padayon nga pagsaka sa presyo sang bugas kag karne amo man sa gasoline kag ang pagluya sang balor sang peso amo ang nagapanguna nga sources sang pagsaka sang price pressure sa Abril.
Una nanan nga ginpahayag ni BSP Governor Eli Remolona Jr nga ang inflation sa pungsod ang posible nga maglapaw sa target kag magpabilin nga mas mataas sa four percent sa masunod nga duha ka quarters.
Ginalantaw naman nga possible nga magabalik ini sa target sa second half sang tuig.
