Emosyonal nga ginpasalamatan sang host-actor nga si Vhong Navarro ang desisyon sang Taguig Regional Trial Court nga i-convict sanday Cedric Lee, Deniece Cornejo kag duha ka iban pa nga respondents sa kaso nga serious illegal detention.
Subong nga adlaw, Mayo 2, sang ginkumpirma sang legal counsel ni Navarro nga si Atty. Alma Mallonga nga nagmandu ang korte nga i-detain gilayon si Cornejo. Indi present si Lee sa promulgation gani nga nagmandu pa ang korte nga ipaaresto ini.
Sa noontime show naman nga “It’s Showtime” kun sa diin host si Navarro, ginbubo sini ang pasalamat sa Diyos, sa korte, iya mga abogado, iya nga supporters, mga abyan, It’s Showtime, kag sa iya kaugalingon nga pamilya.
“Gusto ko munang [kunin] ang pagkakataon na ito para magpasalamat. Of course, maraming-maraming salamat Lord dahil lagi Kang nakagabay sa akin. Sa dami nang pinagdaanan ko sa buhay nandiyan ka, Ikaw ang naging sentro ko at na napakatotoo Mo, kaya maraming-maraming salamat,” pahayag sang host.
Pinaka-nangin emosyonal ini sang nagahatag na sang mensahe sa iya asawa nga si Tanya Bautista.
“Marami akong pagkukulang sa iyo pero hindi mo ako iniwan. Marami akong kasalanan pero nandiyan ka pa rin. Hayaan mong bumawi ako sa iyo sa abot ng aking makakaya hanggang sa huling sandali ng buhay ko. Mahal na mahal kita. Salamat,” pahayag ni Vhong nga amo na ang katapusan sang iya speech antes ang group hug nga ginhatag sang iya nga mga ka-trabaho.
Matandaan nga gin-akusahan ni Vhong si Lee nga nag-detain sa iya sang gab-i sang Enero 22, 2014 sa condominium unit sa Taguig City kun sa diin ginkastigo pa ini ni Lee kag sang iya mga kaupdanan kag gin-alegar nga ginpahog pa nga patyon.
Gin-alegar nga nag-demand pa si Lee sang P2 million kabaylo sang pagpaguwa kay Vhong samtang nagpasugot naman ang comedian-host nga magbayad sang P1 million.
Nakasuhan man si Cornejo nga nag-claim nga gintuyo siya nga i-rape ni Vhong sang amo nga gab-i.
Ang nasambit nga rape allegation amo ang gingamit ni Lee nga justification kun ngaa ginkastigo si Vhong kag ginpwersa ini nga akuon ang pag-rape kay Cornejo sa amo nga gab-i.
Sa pihak nga bahin, may yara sang na-review nga CCTV footage nga amo naman ang gingamit sang kampo ni Vhong kag ginpanindugan nga physically impossible para sa host-actor nga i-rape si Cornejo sa sulod lamang sang tuman ka lip-ot nga tion.
Ang iban pa nga mga akusado amo sanday Bernice Lee, Simeon Raz, Jr., Jose Paolo Gregorio Calma, Jed Fernandez kag Ferdinand Guerrero.
Nag-file si Lee sang motion para ibasura ang kaso apang gin-deny sang korte ang motion. Ginpasaka sang nasambit nga negosyante ang iya nga kaso sa Court of Appeals apang napaslawan man bangud nga ginpalig-on lamang sang appelate court ang ruling sang lower court.
Pareho nga 40 ka tuig nga pagka-preso ang sentensya kanday Lee, Cornejo, Guerrero, kag Palma Raz kag ginmanduan man nga magbayad sang P300,000 sa civil indemnity kag moral kag exemplary damages.#
