Nagpasaka si Bea Alonzo sang kaso nga cyber libel batok sa showbiz columnists kag online hosts nga sanday Cristy Fermin kag Ogie Diaz kag iban pa nila nga co-hosts sa ila nga online programs.
Sa iya pagkadto sa Quezon City Prosecutors Office, nag-file man ang aktres sang reklamo batok sa online basher nga nagapakuno-kuno nga suod sa iya.
Sa complaint affidavit sang aktres, nakasaad nga biktima siya sang “false, malicious, and damaging information” halin sa tawo nga nagapakuno-kuno nga close sa iya kag ginbalhag ini kag gin-discuss sa online shows nanday Diaz kag Fermin apisar nga wala sang basis.
Lakip man diri ang gina-alegar sunod-sunod nga insulto kay Bea sa ila nga columns kag shows amo man ang isyu sang gina-alegar indi sini husto nga pagbayad sang buwis.
Matandaan nga Pebrero sang nangin kaundan sang balita si Bea kasunod sang ila pagkansela sang ila engagement ni Dominic Roque. Ang una nga nagkumpirma sang split sang amo nga tion amo si Boy Abunda.
Sa official statement anay sang couple, ila ginpahayag: “Unfortunately, some even confirmed our break-up without our consent, and some created ridiculous stories that had no basis and were utterly false, so we felt the need to share this announcement with great sadness, for our peace of mind and our families.”#
