GUIMARAS — Ginpangunahan ni Commission on Elections Chairman Atty. George Erwin Garcia ang pag-edukar sa mga estudyante sang Guimaras State University, subong nga adlaw paagi sa Voters Education and Registration Fair.
Sa interview sang Bombo Radyo kay Garcia, iya ginpahayag nga tuyo sang programa nga i-engganyo ang mga first time voters kag ang mga nag-deactivate nga voters nga mag-reactivate liwat agud makaboto.
Suno kay Garcia, ginalauman sang ahensya nga madungangan sang kapin 3 million registered voters ang mga botante para sa 2025 elections.
Ginpahayag man sini nga paagi sa amo nga programa, ma-edukar ang mga estudyante kun paano gamiton ang vote counting machine.
Nahibaluan nga nagsugod ang nationwide Voters Education and Registration Fair sang poll body sang Pebrero 12 kag magatakop sa Septyembre 30, 2024.
