ESTANCIA, ILOILO – Nagdangat pa sa isa ka dekada ang ginbubo sang rank 10 sa April 2024 Registered Master Electrician Licensure Examination antes nakapasar sa pasinawan.
Ini amo si Raphner Matunding Mendoza, sang Batad, Iloilo kag isa sa lima nga examinees nga nakakuha sang 85.50% nga rating.
Sa interview sang Bombo Radyo Iloilo kay Dr. Bobby Gerardo, Presidente sang Northern Iloilo State University, iya ginpahayag nga tuig 2014 pa sang nakatapos si Mendoza sa nasambit nga unibersidad.
Sa baylo nga magkuha gilayon sang pasinawan, nagtrabahon pa ini.
Sa ulihi, nag-resign ini kag nag-review tubtub nagkuha sang pasinawan.
Tuman naman nga ginapabugal sang unibersidad ang kadalag-an ni Mendoza.
Nahibaluan nga ang Northern Iloilo State University ang nakakuha sang 100 percent passing percentage sa Registered Master Electrician Licensure Examination.
