Ginkadlawan lamang ni Andi Eigenmann ang espekulasyon nga bulagay na sila sang iya fiancé nga si Philmar Alipayo.
Magluwas sa sini nga isyu, indi man mapunggan ni Andi nga maham-ot sa malisyoso nga mga pahayag nga gina-peke lang sini ang iya kasubo kasunod sang kamatayon sang iya iloy nga si Jaclyn Jose.
Marso 2, 2024 sang napatay ang nasambit nga multi-awarded actress sa edad nga 60-anyos bangud sa heart attack.
Sang damlag lang, nagbakasyon si Andi sa Japan kaupod ang anak nga si Ellie kag duha pa sini nga bata kay Philmar. Kaupod man sini si Gabby Eigenmann kag ang pamilya sini.
Apang bangud wala si Philmar kag bangud sa bag-o lang ginpaguwa nga anunsyo nga indi madayon ang ila kasal subong nga tuig, nagguwa man ang tsismis nga break na sila.
Pati ang indi pag-like ni Andi sa posts ni Philmar ang gina-istoryahan sang netizens.
Napabutang naman si Andi sang laughing emojis bangud nagbakasyon lang ini, apang pagpauli, nakadesisyon na ang internet suno sa iya nga separated na ini.
“I literally just went on a vacation with my brother and our kids, and come home to find out, through the internet, that i’ve just been separated…,” pahayag sini sa Instagram story.
Ang internet man suno sa iya ang desisyon nga nasubuan siya, indi bangud wala na siya sang iloy, kundi isa na ka divorcee bisan nga indi man siya kasado.
“The internet didn’t seem to like that I was grieving the loss of my nanay. Apparently, according to them, i had been faking my sadness about it all along. (Not enough social media posts perhaps?) Due to this, the internet has decided that the reason for my sadness is not that i have recently been an orphan but in fact, a divorcee (even if i had never been married),” dugang pa ni Andi.
Nakaabot man kay Philmar ang balita kag gilayon nga nag-post sang picture ni Andi nga nakaabot na sa Pilipinas nga may caption: “Arang na ka mingaw, oli na.”#
