GUIMARAS — Magapanumpa ang mayorya sa mga opisyales sang probinsya sang Guimaras sa Partido Federal ng Pilipinas subong nga Mayo.
Ang nasambit nga partido ang ginapamunuan sang national chairman nga si Presidente Ferdinand Marcos Jr.
Sa interview sang Bombo Radyo kay Guimaras Vice Governor Atty. John Edward Gando, iya ginpahayag isa man ka paagi agud nga mapadasig nga magtupa ang mga proyekto sa probinsya sang Guimaras kun kaalyado sang opisyal ang partido sang administrasyon.
Suno kay Gando, madamo sa mga incumbent kag former officials sang Guimaras ang magasumpa sa Partido Federal ng Pilipinas.
Ginalauman naman nga makapanumpa ang mga opisyales sa tunga-tunga sang bulan sang Mayo.
Nahibaluan nga una na nga nakasumpa sa amo nga partido si Gando sang Mayo 1, 2024.
