Magasugod na subong nga adlaw ang Western Conference semifinals!
7:00 subong nga aga (oras sa Pilipinas) ang Game 1 sa tunga sang defending champions nga Denver Nuggets kag Minnesota Timberwolves.
Ang Nuggets amo ang nagpalayas kay LeBron James kag sa Los Angeles Lakers sa Round 1 sa playoffs samtang ang Timberwolves naman amo ang nag-sweep kay Kevin Durant kag sa Phoenix Suns sa amo man nga round.
Ang sambuwa sang duha ka teams amo ang pinakabalantayan subong nga semis.
Nadag-an sang Nuggets ang 14 sa ila ulihi nga 15 playoff home games; samtang ginapabugal naman sang Timberwolves nga nadag-an sini ang kada isa sa ila siyam ka ulihi nga mga hampang apisar sila ang underdogs apang may yara lang sang rest advantage.
Ang bataon nga si Anthony Edwards amo ang nagapanguna sa team nga may average nga 31.0 points, 8.0 rebounds kag 6.3 assists per game samtang nagapangaduha si Karl-Anthony Towns nga may 19.3 points, 9.5 rebounds kag 2.5 assists per game.
Ginalauman naman nga gamiton sang Nuggets ang home court advantage subong nga adlaw sa pagpanguna ni Nikola Jokic nga masami nagatapos nga may triple-double kag si Jamal Murray nga popular sa iya wild buzzer-beater sa Game 2 sang series batok sa Lakers kag sa isa pa ka game-winner sa Game 5 nga amo ang opisyal nga nagtakop sa opening-round playoff series batok sa amo nga team.
