Mangin masako na ang Gilas Pilipinas sa training camp sa masunod nga bulan bilang preparasyon sa FIBA Olympic Qualifying Tournament (OQT) sa Latvia nga amo ang mangin katapusan nga paagi agud maka-qualify ang pungsod sa Paris Olympics.
Suno kay Samahang Basketbol ng Pilipinas (SBP) executive director Erika Dy, Hunyo 22 magatipon liwat si Coach Tim Cone kag ang mga miyembro sang national team sa Inspire Sports Academy sa Laguna.
Halin sa Laguna, magapadulong naman ang nationals sa Turkey para sa friendly fame batok sa team sang amo nga pungsod sa Hunyo 27. Sunod sila nga magabyahe pakadto sa Poland para sa isa na naman ka tuneup match antes dalayon nga mag-compete sa Latvia.
Hulyo 3 atubangon sang Gilas ang world No. 8 nga Latvia sa Arena Riga sa Riga sa amo nga pungsod anted atubangon ang world no. 23 nga Georgia sa Hulyo 4 sa amo man nga venue.
Bisan ano man ang resulta sa tournament, ginalauman nga padayunon sang Gilas ang preparasyon para naman sa ikaduha nga window sang FIBA Asia Cup qualifiers sa Nobyembre kun sa diin atubangon naman sini ang New Zealand kag Hong Kong sa duha ka home games.
Gamiton man ni Coach Cone ang original nga 12-man roster magluwas lang kun may player nga indi makahampang bangud sa injuries.#
