Gin-anunsyo na sang Filipino-American singer nga si Olivia Rodrigo ang petsa para sa Asian stops sang iya GUTS World Tour!
Kadungan sini, may special shoutout ini sa Pilipinas — ginsiling sini nga maghulat-hulat lang anay ang Filipino fans.
Sa tour poster sang singer-songwriter, nakasaad nga ini nga tour ang magasugod sa Septyembre tubtub sa Oktubre kun sa diin ang pamuno nga performance ang balantayan sa Impact Arena sa Bangkok sa Septyembre 16.
Magabisita man si Olivia sa Seoul, Hong Kong, Tokyo, kag Singapore, amo man sa Melbourne kag Sydney sa Australia.
Matandaan nga gin-release sini ang iya sophomore album nga “GUTS” sang Septyembre 2023 kun sa diin nalakip ang singles nga “vampire,” “bad idea right?” kag “get him back!”
Ang deluxe album nga “GUTS (spilled)” ang napaguwa naman sa Marso.
May na-release man si Olivia nga kanta nga “Can’t Catch Me Now” para sa pelikula nga “The Hunger Games: The Ballad of Songbirds & Snakes.”#
