Nagpasaka sang cyber libel complaint ang mag-asawa nga sanday Sharon Cuneta kag former senator Kiko Pangilinan batok sa showbiz talk show host nga si Cristy Fermin.
Sa reklamo sang duha sa Makati City Prosecutor’s Office, nakasaad nga nangin subject sila sang “humiliation and ridicule” matapos nagpalapta si Fermin sang malisyoso nga mga pahayag batok sa ila.
Suno pa sa mga abogado nanday Sharon kag Kiko, madugay nga naghipos ang mag-asawa apang bangud sa padayon nga pagpang-atake online sa ila nga pamilya, indi na nila ini mabaton kag kinahanglan na nga pasabton ang showbiz host sa sini nga “criminal behavior.”
Nahibaluan naman ni Fermin ini nga cyber libel complaint batok sa iya kag ginsiling man nga nahangpan sini kun ano ang balatyagon nanday Sharon kag Kiko. Ginpaathag man sini nga kabahin na ini sang iya trabaho.
“Talagang tumataas ang mga libel, ng mga demandahan. From Sarah Lahbati, to Bea Alonzo, Sharon Cuneta na ang kasunod. Sino po kaya ang susunod, si Julia Roberts na? Basta, naiintindihan natin kung saan sila nagmumula. Wala pa po ako masasabi. Wala pa kaming impormasyon na tinatanggap, basta naiintindihan natin ito. Kasama po ‘yan sa trabaho natin bilang mamamahayag,” suno sa host.
Matandaan nga sang nagligad nga semana, nagpasaka man si Bea Alonzo sang cyber libel complaints batok kay Fermin, Ogie Diaz, kag sa ila program co-hosts. Gin-cite ni Alonzo sa iya nga complaint affidavit nga gindala nanday Diaz kag Fermin sa ila talk show ang “baseless, false and damaging information” kaangot sa aktres.#
