Anum ka bulan na nga nagabusong ang model nga si Hailey Bieber sang ila mangin subang nga anak sang iya bana nga si Justin Bieber!
Pareho man nga ginkumpirma sang mag-asawa ini nga maayo nga balita paagi sa ila nga Instagram pages. Lakip diri ang short kag romantic video clip kun sa diin nakit-an sila nga naga-kiss samtang kit-anon ang baby bump ni Hailey.
Ginsundan ini sang photo shoot kun sa diin si Justin ang naga-picture sa iya asawa.
Ginpahayag nga ini nga video kag photoshoot ang kuha sa vow renewal ceremony sang celebrity couple sa Hawaii.
2018 sang ginkumpirma sang Biebers ang ila pagpakasal.
Si Hailey —anak sang aktor nga si Stephen Baldwin—ang isa man ka founder sang skincare line nga Rhode.
Isa naman ka Canadian si Justin nga na-diskubre bilang singer sa edad nga 13 kag labi pa nga nagsikat, nangin pop sensation, kag nangin Grammy winner nga may eight No. 1 songs sa iya belt lakip ang “Sorry,” “Love Yourself,” “What Do You Mean?” kag “Despacito.” Ang iya katapusan nga album nga “Justice” ang napaguwa sang 2021.
