ILOILO — Ginalantaw sang isa ka progresibo nga grupo nga magakulang ang mga traditional jeepney sa Iloilo City kun magatakop na ang leeway nga ginhatag sang Land Transportation Franchising and Regulatory Board (LTFRB) para sa franchise consolidation.
Sa interview sang Bombo Radyo kay Elmer Forro, lead convenor sang No to Jeepney Phaseout Coalition, iya ginpahayag nga nagapamalabag gid ini sa ginaduso nga jeepney modernization, ilabi na nga may yara pa sang masobra 2,000 ka mga jeep sa Iloilo ang nagapabilin nga
Suno kay Forro, madamo pa sang problema nga kinahanglan nga masolbar sang gobyerno antes ma-fully implement ang ginaduso nga tikang.
Isa na diri ang kaso sa pila ka mga drivers sang kooperatiba nga wala masweldohan kag ang tuman ka kulang mga benepisyo sang operators sang mga modernized unit.
Ginpahayag man ni Forro nga kun padayunon ang tikang, magasampaw-sampaw lang ang problema nga ginapangutubang sang mga operators, drivers, kag kooperatiba.
Nahibaluan nga ang ginhatag nga leeway sa mga uncosilidated jeepney ang tubtob lamang sa Mayo 15, 2024.
