Nakuha sang isa ka Special Needs Education graduate kag tiglawas sang Matanao, Davao del Sur ang korona bilang Miss Philippines Earth 2024!
Sa coronation night sa Talakag, Bukidnon, nagpangibabaw si Irha Mel Alfeche sa 28 ka iban pa nga mga kandidata kag amo ang nagbulos sa titulo ni Yllana Marie Aduana nga amo naman ang nagauyat sang titulo nga Miss Earth Air 2023 sa latest international edition sang pageant.
Ginhingadlan naman sanday Feliz Clareianne Thea Solomon Recentes sang Sindangan, Zamboanga del Norte bilang Miss Philippines Air 2024, Samantha Dana Bug-os sang Baco, Oriental Mindoro bilang Miss Philippines Water 2024, kag Kia Labiano sang Titay, Zamboanga Sibugay bilang Miss Philippines Fire 2024.
Nagkadto naman kay Ira Patricia Malaluan sang Batangas City ang titulo nga Miss Philippines Eco Tourism 2024.
Ang Philippines Earth isa ka tuigan nga beauty pageant nga nagatib-ong sang environmental awareness kag protection sa pungsod. Ang winner diri amo ang magatiglawas sa Pilipinas sa global edition sang Miss Earth nga isa sa ginakabig nga big four beauty pageants.#
