Positibo ang Department of Trade and Industry (DTI) nga matapos na sini ang negosasyon sa free trade agreement (FTA) kaupod sa European Union (EU) antes pa man ang 2027 nga target.
Suno kay Trade Secretary Alfredo Pascual kadungan sang European-Philippine Business Dialogue, may ginasundan na nga model bangud ang negosasyon anay sa Philippine-European (FTA) ang nagkinahanglan lang sang isa ka tuig antes makumpleto.
“We hope to be able to align the FTA to our goals of achieving the upper middle income status and moving behind the EU Generalized Scheme of Preference (GSP) framework. We hope to be able to graduate into the FTA,” pahayag sini.
Sa subong, benepisyaryo ang Pilipina sang EU Generalized Scheme of Preference (GSP) Plus kun sa diin ginatugutan ang pagsulod sang 6,274 products sa bloc. Ini nga benepisyo ang sarang lamang ma-enjoy sang mga pungsod nga na-classify sang World Bank nga below upper middle income.
Una na nga ginpahayag ni National Economic and Development Authority Secretary Arsenio Balisacan nga on track ang Pilipinas agud mangin isa na ka upper middle income economy sa 2025.#
