SPAIN — Nagprotesta ang linibo ka mga pro-Palestinian demonstrators sa Madrid, Spain agud ipanawagan ang ceasefire sa Gaza kag utdon ang ano man nga koneksyon sa tunga sang Spain kag Israel.
Sa interview sang Bombo Radyo kay Bombo Ma. Edzel Lamparero Lopez, Bombo International Correspondent, iya ginpahayag nga una nga nagpatuman sang hublag protesta sa syudad sang Barcelona sa diin,sa subong mas nagdamo pa ang nag-ugyon sa ginhiwat nga protesta sa
Suno kay Lopez, yara sa 4,000 ka mga nagprotesta nga may bitbit nga banner nga may nakasulat nga pagpakamalaut sa “genocide” sa Gaza kag nagasinggit sang “resistance” para sa mga Palestinian.
Ginpahayag man ni Lopez nga yara sa 30 ka mga progresibo nga organisasyon kag pila ka mga unibersidad sang pungsod ang nagpadulong sa Madrid agud magpakigbahin sa amo nga protesta.
Nahibaluan nga ang Gaza war ang nagsugod sang Oktobre 7, 2023 matapos nga gin-atake sang Hamas ang Israel nga nagresulta sang kamatayon sang kapin 1,170 ka mga indibidwal.
Samtang sang nagtimalos naman ang Israel batok sa mga Hamas, indi magnubo sa 34,971 ang napatay sa Gaza, sa diin kalabanan diri amo ang kababainhan kag kabataaan.
