Ginaplano sang Department of Agriculture (DA) nga mag-partner sa Department of Social Welfare and Development (DSWD) agud malakip ang itlog sa disaster relief packs sa tuyo nga mabuligan man ang producers.
Suno kay Agriculture Assistant Secretary kag spokesman Arnel de Mesa, luyag i-promote sang ahensya ang itlog bilang nagapanguna nga source sang protein kag barato pa.
Ginhalimbawa man ini ang roasted eggs sang Batangas Egg Producers Multipurpose Cooperative ukon BEPCO nga possible magamit sang DSWD bangud makalawig ini sa sulod sang anum ka bulan.
Sa baylo nga noodles kag canned goods suno sa iya, mas mayo nga itlog bangud maayo ini para sa ikaayong lawas ang mga tawo. Ginhingadlan man sini nga posible mapanagtag amo ang instant pakbet, instant chopsuey, kag mangin manok kag karne sang baboy.
Gin-cite man sini ang survey sang Philippine Statistics Authority (PSA) nga ang maayo nga produksyon sang poultry kag itlog ang nakabulig sa pangkabug-usan nga pagtubo sang sector sang agrikultura sa una nga quarter sang 2024.
Agud ma-address man ang malnutrisyon suno kay De Mesa, dapat nga hayluhon ang kabataan nga magkaon sang mas madamo nga itlog.#
