ILOILO CITY — Nagpangayo sang paghangop sa publiko si Iloilo City Mayor Jerry Treñas sa pagbuhin sang oras sa mga nagatrabaho sa gobyerno agud makalikaw sa epekto sang El Niño sa ikaayong lawas sang mga empleyado.
Sa interview sang Bombo Radyo kay Treñas, iya ginpahayag nga naghatag na siya sang instruction sa department heads sang mga talatapan agud ma-adjust ang oras sang ila pag-ubra agud makalikaw sa tuman ka init nga tyempo.
Suno kay Treñas, tuyo man sini nga magdagdag sang executive order sa amo nga tikang agud gilayon nga mapatuman sa mga government agencies sang syudad.
Ginalantaw naman sang natungdan nga ang ginaduso nga tikang ang makabenepisyo sa mga empleyado nga nagabulad sa adlaw kaangay na lang sang mga street sweepers kag traffic enforcers.
