ILOILO CITY- Ginbuyagyag ni Queenie Padilla, utod ni Kylie, nga bulagay na sila sang iya bana nga si Usama Mir.
Sa Instagram post, ginpahayag ni Queenie nga “irreconcilable incompatibility” ang rason sang ila pagbulaganay.
Suno kay Queenie, malawig man niya nga ginpanumduman kag gintinguhaan pa nga makay-o ang ila relasyon antes siya naghimo sang desisyon.
Sa pihak sang ila pagbulagay , ginpahayag ni Queenie nga padayon niya nga palanggaon kag respetuhon ang amay sang iya anak.
Si Queenie ang subang nga anak nanday Robin kag anay karelasyon nga si Liezl Sicangco.
Tuig 2015 sang ginkumpirma ni Queenie nga kasal na sila ni Usama.
