Kun ano kainit sa Pilipinas, amo man kainit ang pagbaton sang Filipino fans sa pagbalik sang Irish singer-songwriter nga si Niall Horan.
Kadungan ini sang Philippine leg sang iya “The Show: Live on Tour at the Mall of Asia Arena, Pasay City” nga para sa iya ikatatlo na nga studio album nga “The Show” nga may lead singles nga “Heaven” kag “Meltdown” nga live sini nga gin-perform.
Lakip sa gin-perform sini amo ang “Nice to Meet Ya” kag “Small Talk” nga ginsundan ang “On the Loose” kag “On a Night Like Tonight” kag gintapos ang show paagi sa ‘Save my Life” lag “Slow Hands.”
Nangin mas matunog pa ang gahod sang fans sang ginkanta na sini ang “Night Changes” sang One Direction.
Ini man ang ikatatlo nga tion nga nakabalik siya sa Pilipinas — una sang kabahin pa siya sang One Direction sang 2015 kag ang ikaduha amo ang iya uno nga solo concert nga Flicker Tour sang 2018.
