Ginpasalig ni Finance Secretary Ralph Recto nga indi magtimbuok ang utang sang National Food Authority (NFA) apisar pa aprubahan ang ginaduso nga amendments sa Republic Act (RA) 11203 ukon sa Rice Tariffication Law (RTL).
“We should not allow that. [Even] with the tweaking, we will make sure that the debts of NFA do not balloon,” pahayag sini.
Gindugang sini nga “more or less” nga pabor sila sa pagbalik sang otoridad sa NFA nga mag-import kag magbaligya sang bugas agud mabuligan nga mabuhinan ukon ma-stabilize ang presyo sini.
Suno sa tiglikom, ginatun-an sini subong ang proposal bangud nga ini nga layi ang epektibo man kuntani apang kinahanglan lang sang adjustments agud matugutan ang NFA involvement sa tion sang emerhensya.
“We’re looking at it right now. So far, I think the RTL is working…maybe we can tweak it a bit to allow NFA for emergency purposes,” pahayag sini.
Matandaan nga ang Foundation for Economic Freedom ang nagpabutyag sang kahangawa sa amendments sa RA 11203 ilabi na ang restoration sang otoridad sang NFA sa pag-import kag pagbaligya sang bugas sa manubo nga preyso.
Ang RTL suno sa grupo amo ang nagbulig sa pungsod nga malab-ot ang commitment sa World Trade Organization, nabuhinan ang utang sang masobra P170 billion, kag nakatipon sang ginabanta P80 billion sa taripa kag napahagan-hagan ang rice inflation tubtub sang 2022.
