ILOILO CITY — Nakabaton sang ₱3,000 nga cash ang 3000 ka mga residente sang Iloilo City paagi sa Ayuda Para sa Kapos ang Kita Program (AKAP) nga yara sa idalom sang national government.
Sa interview sang Bombo Radyo kay Iloilo Lone District Representative Julienne “Jamjam” Baronda, iya ginpahayag nga ang kapin 3,000 ka mga nahatagan sang assistance ang una pa lang nga batch bangud tuyo nga mahatagan sang programa ang kapin 12,000 mga indibidwal sa Iloilo City.
Suno kay Baronda, ang mga benepisyaryo ang ginpili sang mga barangay officials nga may minimum kag low wage income earners.
Ginpahayag man sini nga may ₱3.006 billion nga pondo ang amo nga programa nga nakapain sa General Appropriations Act of 2024 (GAA).
Nahibaluan nga ang Iloilo City ang isa sa 334 ka mga lugar sa pungsod ang nangin benipisyaryo sang amo nga programa.
