ILOILO CITY — Nagpatigayon sang traffic rerouting scheme ang Iloilo City Traffic Management Unit (ICTMU) sa Roll-on/roll-off (RORO) wharf sa Distrito sang Lapuz, Iloilo City.
Sa interview sang Bombo Radyo kay Ret. Police Colonel Uldarico Garbanzos, head sang nasambit nga talatapan, iya ginpahayag nga ang rerouting ang ginplano sa sulod sang duha ka semana kag nangin epektibo sugod Mayo 18 tubtob sa Manggahan Festival sa Mayo 22, 2024.
Suno kay Garbanzos, ang traffic scheme ang nagadumili sa mga four-wheel-vehicle kaangay sang truck nga mag-agi sa mga designated nga dalan agud mabuhinan ang traffic congestion kag indi magpugok ang salakyan.
Gin-athag man sini nga siraduhon ang dalan halin sa Arroyo St. padulong sa Progreso, Lapuz, City Proper, sa diin, dapat nga maglibot ang mga motorista sa Rizal, Lapuz padulong sa RoRo Wharf.
Nahibaluan nga ang tikang ang ginkasugtan sang pila ka mga shipping company sang Lapuz Wharf, barangay officials, kag sang Iloilo City Government.
