ILOILO CITY — Nagapati si Iloilo City Lone District Representative Jamjam Baronda nga indi magpadalagan sa Iloilo City si First Lady Liza Araneta-Marcos.
Sa interview sang Bombo Radyo kay Baronda, iya ginpahayag nga wala nagsulod sa panumduman ni First Lady Liza Marcos nga magpadalagan sa ano man nga opisina sa siyudad.
Suno kay Baronda, isa lamang ka pamaagi sang first lady ang paghimo sang kaayuhan sa syudad agud mabalikan ang iya ginhalinan.
Ginpahayag man sang natungdan nga masami lang sila nga nagakitaay sang pamilya Marcos bangud nangin kaupod niya man sa trabaho si Congressman Sandro Marcos.
Dugang pa sang mamalidha, madasig nga maistorya si First Lady Liza Marcos kung may mga proyekto nga pwede ihatag sa Iloilo City.
Ginpaathag man ni Baronda nga wala ini sang problema sa pagpadalagan ni Raisa Treñas-Chu sa pagka-kongresista sang syudad.
Nagsiling man ini nga kabahin sang demokrasya sang pungsod ang pagpadalagan sang kun sin-o man ang may tuyo nga maghatag sang serbisyo.
