Maga-updanay liwat sanday Kathryn Bernardo kag Alden Richards para sa sequel sang 2019 hit nga “Hello, Love, Goodbye.”
Ini amo ang pelikula nga “Hello, Love, Again” kun sa diin dal-on gihapon nila ang papel nanday Ethan kag Joy kag sa idalom gihapon sang direksyon ni Cathy Garcia-Sampana.
Ipaguwa ini sa Nobyembre 13 sa Pilipinas kag pagasundan naman sang international releases.
Nahibaluan nga ang “Hello, Love, Goodbye” amo ang highest-grossing Philippine film tubtub sang Enero 2024 sang nalapawan na ini “Rewind” nanday Marian Rivera kag Dingdong Dantes.
Ang istorya sini ang nagalibot nanday Joy kag Ethan nga pareho nga overseas Filipino workers nga naka-base sa Hong Kong. Sa inisyal nga impormasyon, naka-set ang sequel lima ka tuig matapos nagpaalam si Joy kay Ethan kag sa Hong Kong agud nga lab-uton ang handum sini sa Canada.
