ILOILO — Gin-athag sang National Irrigation Authority (NIA) Region 6 nga indi maka-address ang Jalaur Dam sang kinahanglan nga tubig sang syudad kag probinsya sang Iloilo.
Sa interview sang Bombo Radyo kay Mr. Steve Cordero, Designated Spokesperson sang Jalaur River Multipurpose Project, iya ginpahayag nga makahatag sang tubig ang dam apang bilang irigasyon sang mga pumuluyo agud maka-stabilize sang supply sang tubig.
Suno kay Cordero, yara na sa 74.45% ang physical accomplishment sang proyekto kag ginalauman nga matapos sa kataposan ang 2025.
Ginpahayag man sini nga ang Jalaur River Multi-Purpose Project Stage II ang makasarang maka-produce sang 86.4 million liters per day nga bulk water.
Gin-athag man sang natungdan nga posible maka-augment sang tubig ang dam, apang indi mangin isa ka source.
