ILOILO CITY- Ginakaalarma sang Department of Health-Western Visayas Center for Health Development ang padayon nga pagtaas sang kaso sang Human Immunodeficiency Virus (HIV) sa rehiyon.
Santo sa data sang ahensya, humalin Enero tubtob Disyembre 2023, naka-record sang 1,130 ka mga bag-o nga kaso sang HIV sa Region 6.
Nasaad sa data nga nagapanguna nga mode of transmission ang Male-to-Male (MSM) sex nga may 790 ka mga kaso.
May yara man sang Mother-to-Child transmission nga may tatlo ka kaso.
Suno kay Dr. Bea Natalaray, Chief sang Infectious Disease Section sang ahensya, kada adlaw , 39 ka kaso ang nagadugang.
Ginatan-aw nga 15,000 ang posible nga ma-diagnose nga may amo nga balatian subong nga 2024.
Gintumod sini nga isa sa mga rason sang pagtimbuok sang kaso amo ang risk behaviors sang mga tao particular sa ila pagpakighilawas.
