ILOILO CITY — Nagapati ang anay chairman sang Committee on Transportation sa City Council nga ginpadalian sang komitiba ni Councilor Sedfrey Cabaluna ang pagpasar sang tricyle route plan.
Sa interview sang Bombo Radyo kay si Iloilo City Councilor Romel Duron, iya ginpahayag nga sa iya pagpamangkot sa komitiba, sa mga eksperto nga gin-assign ni Cabaluna, kag sa pulis, lunsay wala nakahibalo ang mga ini kaangot sa pagpatuman sang amo nga route plan.
Suno kay Duron, sa paghimo sang ruta, kinahanglan nga kabalo ka magdepensa kag kun pila ka units ang kinahanglan sa ginaduso nga tricycle route plan.
Ginpahayag man sini nga importante ang scientific data sa diin, indi preparado ang komitiba sa pagpatuman sang amo nga tikang.
Gin-athag man sini nga dapat naghatag ang komitiba sang load factor agud matumod kun pila ka nga tricycle ang kinahanglan nga magbyahe sa isa ka ruta.
