ILOILO CITY- Madinalag-on ang una nga hampang sang Alas Pilipinas sa AVC Challenge Cup batok sa Australian team.
Sa atubang sang malapit 5,000 ka mga supporters sa historic Rizal Memorial Coliseum, nakuha sang Pilipinas ang 22-25, 25-19, 25-16, 25-21 victory, nga ginpangunahan nanday Jia de Guzman kag Angel Canino.
Nakahimo si Canino sang game-high 17 points nga nangin bastante agud madala sini pauli ang Best Player of the Game award.
Sunod nga atubangon sang Pilipinas ang India nga amo ang leader sa Pool A nga napabilin ang ila perfect 2-0 record.
Ang ila hampang natalana las-siete karun sa gab-i.
