ILOILO CITY – Bangud sa iya pag-idolo sa iya mga manunudlo, nagkuha sang kurso nga education ang Top 10 sa Secondary Level sang March 2024 Licensure Examination for Teachers (LET).
Ini amo si Angelika Andrade Asonada sang San Miguel Jordan, Guimaras kag graduate sa kurso nga Bachelor of Secondary Education Major in Science sa West Visayas State University.
Si Asonada ang nakakuha sang passing rate nga 90.80% sa pasinawan.
Sa interview sang Bombo Radyo kay Asonada, iya ginpahayag nga bata pa lang siya, luyag na niya nga mangin manunudlo sa diin nagpaninguha gid ini sa pagtuon tubtob nagtapos ini bilang Magna Cum Laude.
Suno kay Asonada, nangin dako nga kontribusyon sa iya pagkapasar sa pasinawan amo ang pagpangamuyo niya kag sang iban nga tawo.
Magluwas diri, nangin guardian angel man niya ang iya lolo nga amo ang nagtindog bilang iya amay tubtob nagtaliwan ini.
Gin-ako man sini nga handom gid niya nga magkagwadwar nga may latin honors sa diin natuman gid ini.
Sa subong nga isa ka ini ka lisyensyado nga manunudlo, malipayon ini bangud nabalikan na niya ang kabudlay sang iya lola kag lola nga nagpadako sa iya.
