ILOILO CITY- Pilason ang 12-anyos nga bata nga babaye matapos naigo sang bala sa Barangay Badlan Grande, Calinog, Iloilo.
Sa imbestigasyon sang otoridad, isa ka lalaki ang nagpalupok sang pusil kag nagtalang ang bala nga nag-igo naman sa biktima.
Ang ginatudlo nga suspek amo si alyas Boyboy, residente man sang barangay kag ginapahayag nga nakainom sang amo nga tion kaupod ang iya mga abyan.
Nag-angkon ang biktima sang pilas sa likod kag yara na sa estable nga kondisyon.
Na-recover naman sa sulod sang balay sang biktima ang slug sang bala sang ginapatihan 9mm pistol.
May nakuha man nga basiyo sa lugar malapit sa kun diin nag-inum-inom sanday Boyboy.
Nagapabilin nga at-large ang suspek matapos ginapatihan nga nagpalagyo matapos ang insidente.
