Ang pahuway tuman gid ka importante para sa mga atleta sa bisan ano nga kompetisyon kag amo man kadako ang ginahatag nga balor sa pahuway sa palaabuton nga Olimpiada.
Ini ang rason kun ngaa nangita sang paagi ang Committee para sa Paris Olympics nga indi matemptar ang mga atleta nga maghimo sang aktibidad nga makapakapoy sa ila… halimbawa na lang ang pagpakighilawas.
Ang solusyon… amo ang anti-sex nga hiligdaan.
Ini nga anti-sex bed ang human lang sa cardboard kag ini ang gamiton sang mga atleta sa Paris Olympic Village.
Bangud nga human lamang ini sa cardboard, buot silingon, indi ini tuman ka bakod para higdaan sang duha ka tawo bangud gindesinyo ini nga mag-collapse kun mabug-at na katama ang nagahigda ukon nagatungtong sa ibabaw.
Buot silingon pa gid, indi maengganyo ang mga atleta nga magpakighilawas sa ila mga kama bangud pat-ud nga kun maguba ini, may kamala-malahan siya nga gin-ubra kag madulaan pa siya sang hiligdaan.
Mayor nga katuyuan gid sini amo nga makapahuway gid ang mga atleta.
Ini nga mga kama ang nag-abot na sa Paris.
Sa pagkamatuod, ini man ang mga kama nga gin-gamit sa 2020 Tokyo Olympics sa Japan kag ginpahayag nga ini ang nangin epektibo man.
