ILOILO CITY- Nagalaum ang Department of Agriculture (DA) nga matigayon na nga maka-export ang Pilipinas sang abukado sa Japan umpisa subong nga tuig.
Ang abukado ang isa sa high value crops nga ginaduso sang Department of Agriculture bangud sa dako sini nga export potential.
Sang nagligad nga tuig, ang gobyerno nakatigayon nga mag- secure sang market access para sa amo nga prutas padulong sa South Korea.
Ang Pilipinas naga-export subong sang abukado sa walo ka markets nga nagalakip sang China, Malaysia, South Korea, Singapore, Hong Kong, Brunei Darussalam, United Kingdom kag Northern Ireland.
Ang pungsod nag-export sang 1.04 million metric tons (MT) sang abukado sang 2023 base sa data sang Philippine Statistics Authority.
