Ginkasuhan ang American singer kag ginabansagan nga Queen of Pop nga si Madonna bangud sa gin-alegar false advertising kag unwanted exposure sang fans sa sexual content sa iya nga concert.
Sandig sa akusasyon sang tag-reklamo nga isa man sini ka fan, ginhungod nga indi pag-ipahibalo sa ila ang importante nga mga impormasyon nga nag-resulta sa late na nga pagsugod sang event, indi komportable ang audience, kag ginpalantaw pa sang explicit content kadungan sang Celebration Tour.
Lakip sa ginkasuhan amo mismo ang music icon, ang promoter nga Live Nation, kag iban pa nga organisasyon nga naangot sa Celebration Tour. Anum ang kaso nga amo ang breach of written contract, negligent misrepresentation, intentional infliction of emotional distress, false advertising, negligence/negligent infliction of emotional distress, kag unfair competition.
Ginpahayag nga halos duha ka oras nga late ang show, ginpapatay pa ang aircon rason nga tuman ka init, kag sang nag-reklamo ang audience, gin-alegar nga ginsilingan sila nga mag-uba.
Naugot man ang fans bangud nga nauyang ang ila kuwarta bangud lip-synch suno sa iya ang ila nga ginlantaw kag napilitan pa sila nga saksihan ang performance sang topless women sa stage samtang naga-simulate sang sex acts. Gintawag ini sang iban nga audience nga pornography.
Indi ini ang una nga bes nga may nagkaso kay Madonna bangud ginreklamo man ini anay sang duha ka fans bangud sa late concerts.
