ILOILO — Magapanumpa ang kapin 1,000 ka mga politiko halin sa Western Visayas sa ruling party nga Partido Federal ng Pilipinas.
Nahibaluan nga nagaserbe nga chairman sang partido si President Ferdinand Marcos Jr.
Sa interview sang Bombo Radyo kay Iloilo Governor Arthur Defensor Jr., Regional Chairman sang amo nga partido, iya ginpahayag nga ang mga bag-o nga myembro sang partido ang ginalakipan sang Punong Barangay, Councilors, Vice Mayor, Mayors, Board Members, Vice Governor kag Governor.
Suno kay Defensor, pagahiwaton ang mass oath taking sang mga bag-o nga myembro sa isa ka hotel sa syudad sang Iloilo.
Ginpahayag man sini nga pangunahan ang pagpanumpa nanday South Cotabato Governor Reynaldo Tamayo nga National president sang partido kag ang Executive Vice President sang partido nga si Special Assistant to the President Antonio Ernesto Lagdameo, Jr.
Nahibaluan nga ang mga magapanumpa ang naghalin sa Iloilo City, Iloilo Province, Guimaras kag Negros Occidental.
