Duha ka bagyo ang ginalantaw sang Philippine Atmospheric, Geophysical and Astronomical Services Administration (PAGASA) nga mag-develop sa sulod sang Philippine Area of Responsibility (PAR) subong nga bulan sang Hunyo.
Suno pa sa state weather bureau, posible nga may duha ini ka climatological tracks.
Posible nga magsulod sa Pilipinas kag magahulag padulong sa landmass apang indi man maglandfall kag magaliko lamang padulong sa direksyon sang Japan ukon Taiwan.
Sa ikaduha nga senaryo, posible nga maglaslas ang bagyo sa nabagatnan sang Luzon ukon sa nasidlangan nga mga parte sang Visayas kun sa diin maga-landfall pa ini.
Apisar nagsugod na ang rainy season, yara pa sa masobra 40 ka areas sa Pilipinas ang makaeksperyensya ang mataas kag delikado nga heat index subong nga adlaw, Hunyo 2, nga makatuga sang heat cramps, heat exhaustion, kag mangin heat stroke.
