ILOILO CITY —Gin-ako ni Iloilo City Mayor Jerry Treñas nga makagalanyat ang pagpadalagan bilang congressman sang Iloilo City bangud man sa madamo nga aktibidad kag proyekto ang mahimo sang isa ka mamalidha.
Sa interview sang Bombo Radyo kay Treñas, iya ginpahayag nga lantawon anay niya ang mangin dalagan sang sitwasyon kag kun ano ang iya mangin desisyon.
Suno kay Treñas, nahidlaw siya sa mga aktibidad sang kongreso, sa diin ginlaragway man sini nga nangin isa ka masadya nga eksperyensya bilang isa ka pulitiko.
Gin-athag man sini nga wala sang iban nga buot silingo ang mga post sini sa iya nga social media tuhoy sa mga hinimuan sini nga siya ang isa pa ka kongresista.
Nagpalabtik man ini nga indi lang saot ang posible mahimo sa kongreso bangud sa madamo sang posible ubrahon ilabi na kun panghimanwa ang istoryahan.
