ILOILO — Nagpahanumdom ang Police Regional Office 6 (PRO6) sa ila katapo nga mga kapulisan sa rehiyon nga sundon ang government code of ethics.
Ini kasunod man sang pagluthang-patay sang isa ka pulis sa Bacolod City Mobile Patrol Unit, sa diin ang suspek, ang kapareho man sini nga pulis.
Sa interview sang Bombo Radyo kay Police Brigadier General Jack Limpayos Wanky, Regional Director sang Police Regional Office 6, iya ginpahayag nga labing-importante nga mangin maayo nga ehemplo sa ila kaangay man nga kapulisan agud mapabilin ang dignidad kag moralidad bilang tagapatuman sang peace and order.
Suno kay Wanky, kinahanglan nga panindugan sang mga pulis ang ila officer’s pledge bilang kabahin man sang serbisyo kag maayo nga ehemplo.
Nagpanugyan man ang natungdan nga nagakadapat nga i-practice ang pagpasangkad sang morality status sang isa ka pulis agud mapabilin nga respetado.
Ginkasubo naman sang PRO6 ang pagtaliwan ni Police Staff Sergeant Jotham Arrem Tuto matapos ini nga naluthangan ni Patrolman Alvin Rios.
