Gin-ulan sang pagpanginbulahan ang former beauty queen kag model nga si Janine Tugonon matapos ginkumpirma nga mangin isa na siya ka iloy!
Gin-share sini ang pictures sang iya baby bump kag nagsiling: “Exciting times, new goals set and new season in life ahead.”
Nagpadala naman sang well-wishes ang iban nga beauty queens sang Pilipinas nga sanday Pia Wurtzbach, Ara Arida kag Gazini Ganados kasunod sang maayo nga balita.
Sang 2012 pageant, matandaan nga nangin first-runner up si Janine sa Miss Universe sunod kay Olivia Culpo sang Estados Unidos sang Amerika.
Kasunod sang amo nga stint, ginsulod sini ang modelling career sa US kag nakaupod sa high profile modeling gigs kaangay sa runway sang New York Fashion Week sang 2017. Siya man ang labing-una nga Filipina model nga na-feature sa kampanya sang Victoria’s Secret.
