ILOILO CITY- Ano ang sarang mahimo sang imo ilong magluwas nga ginagamit mo ini sa pagginhawa?
Budlayan ka magsabat?
Indi na magpalibog ah kay istoryahan ta na lang ka?
May yara sang isa ka lalaki sa India nga sang damlag lang nagguba sang iya kaugalingon nga Guinness World Record paagi sa pag-type sang tanan nga letra sa alphabet sa sulod sang 25.66 seconds gamit lang ang keyboard kag ang iya ilong.
Ini amo si Vinod Kumar Chaudhary, 44, nga una nag-set sang Guinness World Record sa pinakamadasig nga oras nga mag- type sang alphabet gamit ang ilong sang 2023, sang nahimo niya ini sa sulod sang 27.8 seconds, kag na-break niya ini liwat sang amo man nga tuig sa oras nga 26.73 seconds.
Ang rules sa record ang nag-require kay Chaudhary nga mag-type sang 26 letters sang Roman alphabet sa standard nga QWERTY keyboard nga may space sa tunga sang kada letra.
Suno kay Chaudhary, bangud nga ang iya propesyon ang naga-involve sang typing, nadumduman niya nga maghimo sang record kun sa diin yara sa gihapon ang iya passion kag ang iya trabaho.
